Convocatoria do Turno de Actuación Profesional 2026

O COETFG abre o período de inscrición no Turno de Actuación Profesional correspondente ao ano 2026, así como a inclusión na “Guía de Peritos 2026”, publicada a través de Unión Profesional de Galicia.

A través do Turno elabóranse as distintas listaxes de profesionais, para dar servizo ás distintas administracións, xulgados e persoas físicas e xurídicas que requiran o servizo de Enxeñeiros e Enxeñeiras Forestais, durante o ano 2026.

A inscrición é voluntaria nas distintas modalidades, tanto na de PERITO, regulada pola Lei 1/2000, de 7 de xaneiro de Enxuizamento Civil, como nas novas figuras incorporadas nesta convocatoria: MEDIADOR e EXPERTO INDEPENDENTE, derivadas da entrada en vigor da Lei Orgánica 1/2025, de 2 de xaneiro, en medidas e materia de eficiencia do Servizo Público de Xustiza.

Os colexiados e colexiadas dispoñen da información relativa ao trámite de inscrición na Sede Electrónica Privada do COETFG, na sección Documentación >> Trámites Administrativos > Turno de Actuación Profesional.

O prazo de inscrición na “Guía de Peritos 2026” permanecerá aberto ata o 14/11/2025

O prazo de inscrición no “Turno de Actuación Profesional do COETFG” finalizará o 30/12/2025