Rexistro documental

O COETFG é competente para tramitar o REXISTRO DOCUMENTAL de calquera documento técnico, que non esté sometido á Visado obrigatorio segundo o disposto no Real Decreto 1000/2010, e aos efectos en todo o Estado Español e cuxa materia principal do traballo se atope dentro das competencias propias da profesión.

O Rexistro Documental implica:

• Acreditación de autoría:
  • Acredita a identidade.
  • Que a ou o profesional conta cun título legalmente recoñecido ou homologado que o habilita para a realización do traballo.
  • Que está colexiado ou colexiada e cumpre coa normativa colexial.
  • Que non existe inhabilitación colexial para o exercicio da súa profesión.
  • Que non existe incompatibilidade legal para a realización do traballo presentado que fora notificada a este colexio.
• Acreditación sobre o traballo:
  • Que o traballo entra dentro das competencias deste Colexio Profesional.
  • Que cumpre a normativa colexial.
  • Que cumpre coa normativa legal sobre composición documental e grao de especificación en correspondencia co obxecto do encargo profesional recibido.
  • Que cumpre as normas e regulamentos oficiais cuxa vixilancia e observancia fora atribuída por disposición expresa a este Colexio.
  • Que reúne os documentos necesarios para que se poda interpretar e/ou executar correctamente.
  • Que cumpre os requisitos formais e adecúa os seus obxectivos ao título do traballo.
  • Que existe constancia colexial dos documentos suxeitos a Rexistro Documental, existindo copia nos arquivos do Colexio.
• Outros trámites:
  • Arquivo documental.
  • Asesoramento xurídico e defensa de atribucións profesionais.
  • Reclamación de honorarios.
  • Certificación Oficial dos traballos profesionais realizados (válido para o proceso de acreditación profesional nos procesos de convalidación de títulos ou pasarelas ao novo sistema universitario, licitacións, candidaturas en ofertas de emprego,…..).

Para tramitar o Rexistro Documental de traballos profesionais a través do sistema de Visado Electrónico, que consiste na tramitación do Rexistro de Documentos en formato dixital, débese acceder á plataforma de e-visado a través da sinatura dixital ou dos contrasinais previamente facilitados polo COETFG.

REQUIRIMENTOS E RECOMENDACIÓNS PARA TRAMITAR UN REXISTRO DOCUMENTAL

Será de aplicación o expresado para o caso de Visado.

Ver Visado Electrónico

SOLICITAR REXISTRO DOCUMENTAL:

Acceso e-visado